Southern Lao Frienship Society: Ping chi lor @ Ban Muoung

ຂ່າວໃໝ່ ໃນ ສສລຕ!

ປະທານ ສສລຕ ທ່ານບຸນຍິ່ງ ອ່ອນມະນີ ຂໍເຊີນ ຄະນະກຳມະການບໍລິຫານ ອະນຸກຳມະການ ແລະ ຫົວໜ້າໜ່ວຍທຸກທ່ານ ຈົ່ງມາຮ່ວມປະຊຸມ ໃນວັນເວລາແລະສະຖານທີ່ດັ່ງຕໍ່ໄປນີ້:

ວັນທີ: ວັນເສົາ ວັນທີ 7/4/2012
ເວລາ: ບ່າຍ 1.00 ໂມງ ຫາ 3.00 ໂມງ
ສະຖານທີ່: 85 Oliveri Crescent, Green Valley NSW 2168

ຫົວຂໍ້ການປະຊຸມ:

ສະຫຼຸບຜົນງານການຈັດງານໃນວັນທີ 24/3/2012 ທີ່ຜ່ານມາ
ປຶກສາຫາລືແລະວາງແຜນເລື້ອງການສະເຫຼີມສະຫຼອງປີໃໝ່ລາວ
ເລື້ອງອື່ນໆທີ່ສະເໜີຂຶ້ນມາ.

ທ່ານໃດທີ່ມີເລື້ອງຢາກຈັດເຂົ້າໃນຫົວຂໍ້ການປະຊຸມ ຂໍເຊີນຕິດຕໍ່ຂ້າພະເຈົ້າໄດ້ ທີ່ Mob: 0411601870 ຫຼື ຍນ ບຸນໂຮມ (ເລຂາ) Mob: 0405327651.

ຫວັງວ່າ ທ່ານຄົງສະລະເວລາມາຮ່ວມປະຊຸມຄັ້ງນີ້.

ຂໍຂອບໃຈ

ບຸນຍິ່ງ ອ່ອນມະນີ
ປະທານ ສສລຕ
30/3/2012

Executive Advisor's Comment

ຄຳເຫັນປະກອບສ່ວນ

ໂດຍ ຍນ ໄພວັນ ພູມິນທຣ໌ ອະດີດປະທານ/ທີ່ປຶກສາປະຈຳຂອງ ສສລຕ ໃນງານລາຕີສັງສັນ ຄືນວັນທີ 24/3/2012
ທີ່ Bonnyrigg Sports Club (Sydney, Australia)

ຮຽນທ່ານຜູ້ອະວຸໂສ, ບັນດາເພື່ອນສະມາຊິກສສລຕ, ແຂກຜູ້ມີກຽດ ທ່ານຍິງທ່ານຊາຍ ທີ່ຮັກແພງແລະນັບຖື

ຂ້າພະເຈົ້າຂໍຂອບໃຈທ່ານປະທານສສລຕທີ່ໄດ້ເຊື້ອເຊີນຂ້າພະເຈົ້າ ຂຶ້ນມາກ່າວເລັກໆນ້ອຍໆໃນຄ່ຳຄືນວັນນີ້. ກ່ອນອື່ນຂ້າພະເຈົ້າຂໍອະນຸຍາດກ່າວປະຫວັດຄວາມເປັນມາຂອງສະໂມສອນສາຍໃຈລາວໄຕ້ໂດຍຫຍໍ້. ສສລຕໄດ້ກໍ່ຕັ້ງຂຶ້ນມາເປັນເວລາ 16 ປີ ແລ້ວ ໂດຍມີຜູ້ກໍ່ຕັ້ງຫຼັກ 9 ທ່ານດັ່ງນີ້: ທ່ານ ສຳລີ ພິມມະວົງ, ທ່ານ ຄຳກີ ສຸຣິຍະວົງ, ທ່ານ ນິກອນ ສີບຸນເຮືອງ, ທ່ານ ທອງດຳ ສຸຣິຍະວົງ, ທ່ານອາຈານ ໂຄຕະມີ
ໂພທິສາຣານະສຸກ, ທ່ານ ບຸນຕາ ຈັນທະລືສີ, ທ່ານ ດຣ ໄກສອນ ພິຈິດ, ມື້ລາງ ທ່ານໄພສີ ໄຊປັນຍາ ແລະ ຂ້າພະເຈົ້າເອງ ໄພວັນ ພູມິນທຣ໌.

ຜ່ານມາເປັນໄລຍະເວລາ16ປີ ສສລຕ ກໍໄດ້ຮ່ວມຄຽງບ່າຄຽງໄຫຼ່ສະເໝີມາກັບອົງການຈັດຕັ້ງລາວອື່ນໆ ໃນການ ພັດທະນາຊຸມຊົນລາວໃນລັດນິວຊາວແວວ. ສສລຕໄດ້ພິສູດໃຫ້ເຫັນແລ້ວວ່ານະໂຍບາຍຂອງ
ສສລຕ ແມ່ນການ ຊ່ວຍເຫຼືອເຕົ້າໂຮມສະມາຊິກ ແລະ ສ້າງຄວາມຮັກແພງສາມັກຄີໃນຊຸມຊົນລາວກໍຄືໃນສັງຄົມອອສເຕຣເລຍ.

ຄວາມສຳເລັດຂອງສສລຕ ຈະເປັນໄປບໍ່ໄດ້ໂດຍປາສະຈາກການອູ້ມຊູຈາກບັນດາສະມາຊິກຂອງ ສສລຕ ເອງເປັນຫຼັກ ແລະ ການບໍລິຫານອັນອາດສາມາດຂອງຄະນະກຳມະການບໍລິຫານຂອງສສລຕທຸກສະໄໝ
ແລະຂໍ້ສຳຄັນກໍຄື ຄະນະທີ່ປຶກສາປະຈຳແລະຄະນະທີ່ປຶກສາກິຕິມະສັກໄດ້ໃຫ້ການຊີ້ນຳຢ່າງໃກ້ຊິດ ເພື່ອສົ່ງເສີມໃຫ້ຄະນະກຳມະການຂອງເຮົາປະຕິບັດວຽກງານໃຫ້ໄປໃນທິດທາງທີ່ຕິດແທດເໝາະສົມກັບສະພາບການຂອງສັງຄົມທົ່ວໄປແລະຂອງຊຸມຊົນລາວເຮົາ. ແນ່ນອນ ການປະຕິບັດໜ້າວຽກຈົນໄດ້ຮັບຜົນສຳເລັດກໍແມ່ນຜົນງານປະກອບສ່ວນຈາກປະທານສສລຕທຸກໆທ່ານ. ອະດີດປະທານ ຜ່ານມາກໍມີ ທ່ານ ສຳລີ ພິມມະວົງ, ທ່ານ ນິກອນ ສີບຸນເຮືອງ, ທ່ານ ທອງດຳ ສຸຣິຍະວົງ, ທ່ານອາຈານ ໂຄຕະມີ ໂພທິສາຣານະສຸກ, ຂ້າພະເຈົ້າເອງ ໄພວັນ ພູມິນທຣ໌
ແລະ ປະທານຄົນປັດຈຸບັນ ກໍຄື ທ່ານ ບຸນຍິ່ງ ອ່ອນມະນີ ນັ້ນເອງ.

ບັນດາທ່ານທີ່ມີກຽດຄົງປະຕິເສດບໍ່ໄດ້ວ່າຍຸກນີ້ແມ່ນຍຸກແຫ່ງການປ່ຽນແປງ. ເພາະສະນັ້ນ ສສລຕ ຈຶ່ງໄດ້ຖືເອົາສັດຈະທຳຂໍ້ນີ້ມາເປັນບັນທັດຖານແລະແນວທາງນະໂຍບາຍແລະພວກເຮົາກໍໝັ້ນໃຈວ່າພວກເຮົາຈະສາມາດຮັບໄດ້ທຸກສະຖານະການຢ່າງມີສະຕິ.

ຂ້າພະເຈົ້າໃນນາມເປັນໜຶ່ງໃນຜູ້ກໍ່ຕັ້ງ,ອະດີດປະທານ ແລະ ທີ່ປຶກສາປະຈຳຂອງ ສສລຕ, ມີຄວາມພູມໃຈເປັນທີ່ສຸດທີ່ສສລຕ ສາມາດຢືນຢັດຄຽງບ່າຄຽງໄຫຼ່ມາພ້ອມກັບອົງການຈັດຕັ້ງອື່ນໆປະກອບສ່ວນໃນການພັດທະນາສ້າງສາຊຸມຊົນລາວມາຢ່າງສະເໝີຕົ້ນສະເໝີປາຍ. ຂ້າພະເຈົ້າພ້ອມດ້ວຍຄະນະກຳມະການບໍລິຫານຂໍຝາກຝັງສສລຕ ໄວ້ກັບບັນດາເພື່ອນສະມາຊິກທຸກໆທ່ານ ແລະຂໍໃຫ້ຢູ່ໃນຄວາມອູ້ມຊູແລະມີໄມຕີຈິດມິດຕະພາບຈາກອົງການຈັດຕັ້ງອື່ນໆຂອງລາວເຮົາ.

ນະໂອກາດນີ້ ຂ້າພະເຈົ້າຂໍຂອບໃຈປະເທດອອສເຕຣເລຍຊຶ່ງພວກເຮົາທຸກຄົນເປັນໜີ້ບຸນຄຸນທີ່ເພິ່ນໄດ້ໃຫ້ທີ່ເພິ່ງພາອາໄສແລະຮັບເອົາພວກເຮົາເຂົ້າມາເປັນຄົນອອສເຕຣລຽນຢ່າງບໍ່ມີການແຍກເຊື້ອຊາດຫຼືຊົນຊັ້ນວັນນະແຕ່ຢ່າງໃດ.

ທ້າຍສຸດແລະສຳຄັນທີ່ສຸດ ຂ້າພະເຈົ້າຂໍແບ່ງປັນຄວາມຮູ້ສຶກກັບບັນດາທ່ານວ່າຂ້າພະເຈົ້າຮູ້ສຶກໂຊກດີທີ່ເກີດມາເປັນຄົນລາວແລະຫວັງວ່າທຸກໆທ່ານຄົງເຫັນພ້ອມກັບຂ້າພະເຈົ້າ ທີ່ຂ້າພະເຈົ້າຂໍສະເໜີຈາກໃຈຈິງວ່າ: “ຈົ່ງພູມໃຈເຖີດທີ່ເກີດເປັນລາວ” “Proud to be Lao”.

Thank you.

Update on AGM

Sabaidee Saychailaotai Members

I am pleased to let you know that the Annual General Meeting of SLFS went well today @ Bonnyrigg Sports Club.

The Meeting has elected 13 people as new Management Committee. The majority of previous Management Committee remain but we do have new faces such as Mr Khamsene Sychampanakhone, Solicitor Sengdeuane Do and Mr Reungsak Pholsena. They will no doubt bring in new ideas to the Committee.

On this occasion I would like to let the Members know that I have stepped down all together because of my other commitments and very busy schedules. I really enjoyed working with the Management Committee 2009-2011. Together, we have achieved a lot, which I have mentioned in my report today.

According to SLFS Constitution, the newly elected Management Committee will hold a meeting within two weeks from the AGM to elect the President who will then form his/her Committee. The new group will meet on 12/11/2011. In the meantime, I am still holding the position of the President so the group can organise themselves.

I wish the new Management Committee success and a most fruitful term. I am confident that SLFS Members will benefit greatly from the new Management Committee with such strong potentials.

As for myself, I wish to say thank you to all Members for your trust in me in the last two years. And a very big thank you to all the previous Management Committee for your hard work.

Huk phaeng

Phayvanh Phoumindr J.P.
President
5/11/2011

Southern Lao Frienship Society

Friday, June 18, 2010

Ping chi lor @ Ban Muoung

No comments:

Post a Comment

Followers

Blog Archive

Click here to see our links