ທ່ານຜູ້ຕາງໜ້າອົງການຈັດຕັ້ງຕ່າງໆຂອງຊຸມຊົນລາວທີ່ໄດ້ມາຮ່ວມ
ເພື່ອນສະມາຊິກຂອງສະໂມສອນ
ທ່ານທີ່ມີກຽດ
ພໍ່ແມ່ອ້າຍເອື້ອຍນ້ອງໝູ່ຄູ່ນ້ອງນຸ່ງ ລູກຫຼານ ທີ່ຮັກແພງແລະນັບຖື
ຂ້າພະເຈົ້າ ບຸນຍິ່ງ ອ່ອນມະນີ, ປະທານສະໂມສອນສາຍໃຈລາວໄຕ້ ພ້ອມດ້ວຍຄນະກັມມະການຈັດງານທຸກທົ່ວໜ້າ ມີຄວາມປາບປຶ້ມໃຈແລະຂໍສະແດງຄວາມຂອບອົກຂອບໃຈນຳທຸກໆທ່ານ ທີ່ໄດ້ສລະ ເວລາ ໃຫ້ກຽດມາຮ່ວມໃນງານຣາຕຣີສະໂມສອນທີ່ໄດ້ຈັດຂຶ້ນໃນຄ່ຳຄືນວັນນີ້.
ດັ່ງທີ່ທ່ານຄົງຊາບດີຢູ່ແລ້ວວ່າ ດົນນານປີທາງສະໂມສອນຈຶ່ງໄດ້ມີໂອກາດຈັດງານຂຶ້ນເປັນບາງຄັ້ງບາງຄາວ. ການຈັດງານຄັ້ງນີ້ ກໍເໝືອນກັບຄັ້ງທີ່ຜ່ານໆມາ ຄືມີຈຸດປະສົງຢູ່ 2 ຢ່າງ:
1. ເພື່ອເປັນການພົບປະສ້າງສັນ ສ້າງສັມພັນທະໄມຕຣີ ຣະຫວ່າງ ເພື່ອນສະມາຊິກດ້ວຍກັນ
2. ເພື່ອເປັນການເສີມຂຍາຍຄວາມຮັກຄວາມແພງ ຄວາມສມານ ສາມັກຄີ ໃຫ້ເພີ້ມທະວີຍິ່ງຂຶ້ນ
ງານຂອງເຮົາໃນຄ່ຳຄືນນີ້ ໄດ້ມອບໝາຍໃຫ້ວົງດົນຕຣີ “ສຽງສວັນ” ເປັນຜູ້ມາໃຫ້ຄວາມມ່ວນຊື່ນ ຣື່ນເຣີງ ບັນເທິງໃຈແກ່ທ່ານ. ຂໍເຊີນທ່ານໄດ້ຫາຄວາມສຳຣານໃຈ ໃນຈັງຫວະເພງຕ່າງໆຕາມໃຈຊອບ.
ທ້າຍສຸດ ເນື່ອງໃນໂອກາດປີໃໝ່ລາວເຮົາຈະມາເຖິງນີ້ ສະໂມສອນສາຍໃຈລາວໄຕ້ ຂໍອວຍພອນແດ່ທ່ານຈົ່ງປະສົບແຕ່ຄວາມສຸຂ ຄວາມຈເຣີນ ຕລອດປີໃໝ່ 2012 ນີ້ດ້ວນເທີ້ນ. ແລະຂ້າພະເຈົ້າຂໍກ່າວເປີດງານຣາຕຣີ ຢ່າງເປັນທາງການນັບແຕ່ບັດນີ້ ເປັນຕົ້ນໄປ.
ຂໍຂອບໃຈ
(ຄຳປາສັຍນີ້ໄດ້ກ່າວເປັນພາສາອັງກິດໂດຍ ຍນ ໄພວັນ ພູມິນທຣ໌)
No comments:
Post a Comment